Уур амьсгалын Ус цаг уур, орчны судалгаа, мэдээллийн хүрээлэн
Гадаргын усны судалгааны хэлтэс
Хойд мөсөн далайн ай савын гол, мөрөн
Хөвсгөлийн уулсаас эхтэй Бэлтэс, Шишхэд, Дэлгэрмөрөн, Эг, Бүгсий, Үүр зэрэг голуудын мөсний зузаан 10-40 см, мөсөн зах, өтгөн зайр гүйх мөсөн бүрхүүл тогтох үзэгдэл зонхилон ажиглагджээ. Хөвсгөл нуурын хувьд Ханх сум болон Хатгал тосгон орчимд мөсөн зах үүссэн байдалтай байна. Эдгээр голуудын мөсний зузааныг 2024 оны мөн үеийнхтэй харьцуулбал 10-20 см зузаан байна.
Хангай нурууны араас усжих Идэр, Хануй, Чулуут, Гичгэнэ, Суман, Хойттамир зэрэг голуудын мөсны зузаан 5-45 см, мөсөн зах, шингэн зайр, харз, нимгэн мөсөн бүрхүүл тогтох зэрэг мөсний үзэгдэл зонхилон ажиглагдаж байна. 2024 оны мөн үеийнхтэй харьцуулбал мөн Чулуут голын мөсний зузаан 5 см-ээр бага байна. Өгий нуур, Тэрхийн цагаан нуурын мөсний зузаан өмнөх арав хоногийнхоос 5-15 см-ээр ахиу байна.
Хэнтий нурууны баруун хажуугаас усжих Туул, Хараа, Ерөө, Хүдэр, Сэлбэ, Улиастай, Сөгнөгөр, Шарын голуупын мөсний зузаан 10-40 см, харз, мөсөн зах, ажиглагдаж байна. Эдгээр голуудын мөсний зузааныг 2024 оны мөн үеийнхтэй харьцуулбал 10-30 см-ээр их байна.
Сэлэнгэ мөрний эхээр, Орхон голын нийт уртын мөсний зузаан 5-45 см, мөсөн зах, өтгөн, шингэн, дунд зэргийн зайр гүйх үзэгдэл зонхилон ажиглагдаж байгаа ба мөсний зузааныг 2024 оны мөн үеийнхтэй харьцуулбал 5-25 см зузаан байна.
Номхон далайн ай савын гол, мөрөн
Хэнтий нурууны зүүн хажуугаас усжих Хурх, Барх, Эг, Улз Балж, Онон, Хэрлэн болон Их Хянганы нуруунаас эхтэй Халх голын дагууд 10-30 см зузаан мөсөн бүрхүүл тогтсон бол голд мөсөн зах үүсч, мөсөн бүрхүүл зэрэг үзэгдэл зонхилон ажиглагдаж байна. 2024 оны мөн үеийнхтэй харьцуулбал 5-30 см-ээр их байна. Харин Буйр, Дуут, Хөх нуур битүү мөсөн бүрхүүлтэй байгаа бөгөөд мөсний зузаан 20-30 см байна.
Төв Азийн гадагш урсацгүй ай савын гол, мөрөн
Алтай нуруу болон түүний салбар уулсаас усжих Турган, Харбут, Чигэртэй, Согоог, Буянт /Дэлүүн сум/ зэрэг голуудад 10-35 см зузаан мөсөн бүрхүүл тогтсон бол бусад голуудад мөсөн зах, шингэн, дунд зэргийн зайр гүйх үзэгдэл давамгайлан ажиглагдаж байна. Хар ус нуур Дөргөн сум орчимд мөсний зузаан 20 см байна.
Хангай нурууны өврөөс эхтэй ихэнх голуудын мөсний зузаан 5-55 см, харз, мөсөн зах үзэгдэл ажиглагдсан байна. Мөсний зузааныг 2024 оны мөн үеийнхтэй харьцуулбал 5-20 см ахиу байна. Мөн Хөх нуур, Хар нуур, Ойгон, Бөөнцагаан нууруудын мөсний зузаан 5-85 см байна.
Увс нуурын савын, Чигж,Баруунтуруун, Намир, Хангилцаг, Хариг зэрэг голууд 5-25 см битүү мөсөн бүрхүүлтэй, мөсөн зах, шингэн зайр зонхилон ажиглагдажээ.
Арваннэгдүгээр сарын хоёрдугаар арав хоногт манай орны ихэнх гол мөрөнд мөсөн зах, харз, зайр гүйх үзэгдэлүүд ажиглагдсан бол жижиг болон дунд зэргийн зарим голууд битүү мөсөн бүрхүүлтэй болсон байна.
2025-11-21